کیا فرماتے ہیں علمائے کرام اس مسئلہ کے بارے میں کہ ایک بکرے کو خصی کیا گیا ، خصی کرنے کے دوران اس کا ایک کپورا خراب ہو گیا ، جس کو بعد میں نکالنا پڑا ، لیکن وہ بکرا مکمل طور پر خصی ہوگیا۔ جس پر بعض لوگوں نے کہنا شروع کردیا ، کہ اس کا چونکہ ایک کپورا نکالا گیا ہے ، اس لیے اس کی قربانی نہیں ہو سکتی۔ اب پوچھنا یہ ہے کہ آیا اس ایک کپورے والے بکرے کی قربانی ہوسکتی ہےیا نہیں؟ شرعی راہنمائی فرما دیں۔ (سائل : محمد رمضان )

Question

Accepted Answer

پوچھی گئی صورت میں خصی بکرے میں ایک کپورا کم ہونے کی وجہ سےاس کی قربانی جائز ہے ، کیونکہ اگر کسی بکرے کے دونوں کپورے اور عضوِ تناسل کو بھی  کاٹ لیا جائے ، تو فقہائے کرام نے ایسے بکرے کی قربانی کرنے کو جائز قرار دیا ہے۔ لہٰذا اگر بکرے کا ایک ہی کپورا نکالا گیا ہو ، تو اس کی قربانی تو بدرجہ اولیٰ جائز ہو گی ، کیونکہ خصی بکرے میں کپوروں کو کاٹنا ، عیب نہیں  ہے کہ اس کی وجہ سے قربانی ناجائز ہو۔ اور جن لوگوں نے یہ کہا کہ ایسے خصی بکرے کی قربانی نہیں ہوسکتی ، ان کا کہنا غلط ہے ، اور ایسے لوگوں کو چاہیے بغیر علما سے پوچھے مسئلہ بتانے سے گریز  کیاکریں ، اور غلط مسئلہ بتانے کی وجہ سے توبہ بھی کریں۔ (فتاویٰ عالمگیری ، 5 / 367 ، فتاویٰ رضویہ ، 20 / 458) وَاللہُ اَعْلَمُ عَزَّوَجَلَّ وَ رَسُوْلُہٗ اَعْلَم    صلَّی اللہ علیہ واٰلہٖ وسلَّم

کیا ایک کپورے والے جانور کی قربانی جائز ہے؟

خصی کرنے کی وجہ سے ایک کپورا ضائع ہوجائے تو؟

سوال

جواب

نمایاں فتاویٰ

تازہ ترین فتاویٰ

کیٹیگریز