مجیب: مولانا محمد انس رضا عطاری
مدنی
فتوی نمبر: WAT-1827
تاریخ اجراء:29ذوالحجۃالحرام1444 ھ/18جولائی2023 ء
دارالافتاء اہلسنت
(دعوت اسلامی)
سوال
یہاں بریڈ فورڈ میں لکڑی کے گھر
ہوتے ہیں اب اگر اس کے اوپر کاغذ چڑھادیا جائے اور ا س کے اوپر چونے
کا پینٹ کردیا جائے تو کیا اس کے اوپر تیمم کرنے سے تیمم
ہوجائےگا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
بیان کردہ صورت میں چونے کے پینٹ سے تیمم
کرسکتے ہیں کہ وہ زمین کی جنس سے ہے اورجو چیز زمین
کی جنس سے ہو، اس سے تیمم جائز ہوتا ہے۔ بہار شریعت میں
ہے: ” جو چیز آگ سے جل کر نہ راکھ ہوتی ہے نہ پگھلتی ہے نہ
نَرْم ہوتی ہے وہ زمین کی جنس سے ہے اس سے تیمم جائز
ہے۔ ریتا، چونا، سرمہ، ہرتال، گندھک، مردہ سنگ، گیرو، پتھر،
زبرجد، فیروزہ، عقیق، زمرد وغیرہ جواہر سے تیمم جائز ہے
اگرچہ ان پر غبار نہ ہو۔“(بہار شریعت،
جلد1، صفحہ357، مکتبۃ المدینہ، کراچی)
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم
وضو میں عورتیں سرکا مسح کس طرح کریں؟
ڈبلیو سی کا رخ شمال کی طرف رکھنا کیسا؟
مخصوص ایام میں معلمہ قرآن کی تعلیم کیسے دے؟
کیا ایام مخصوصہ میں ایک کلمے کی جگہ دوکلمات پڑھائے جاسکتے ہیں؟
جو پانی حالت حمل میں پستان سے نکلے پاک ہے یا ناپاک؟
خون کی نمی کپڑوں پر لگ جاتی ہے نماز جائز ہےیانہیں؟
شرمگاہ پر نجاست کی تری ظاہر ہونےسے وضو ٹوٹے گا یا نہیں؟
لال بیگ پانی میں مرجائے تو پانی پا ک ہے یا ناپاک؟