Madd e Ariz Aur Leen Ariz Ko Kitna Kheenche Gai ?

مد عارض اور لین عارض کو کتنا کھینچیں گے ؟

مجیب: ابوالفیضان مولانا عرفان احمد عطاری

فتوی نمبر: WAT-2133

تاریخ اجراء: 14ربیع الثانی1445 ھ/30اکتوبر2023   ء

دارالافتاء اہلسنت

(دعوت اسلامی)

سوال

   آپ کی بارگاہ میں عرض ہے کہ مدنی قاعدے میں  جومدّات  کا بیان ہےاس میں مد عارض اورمد لین عارض ہے،تو اس کی مقدارایک دو یا تین الف لکھی ہے،توبعض کہتے ہیں کہ مد عارض اور لین عارض کوتین الف کی مقدار تک ہی کھینچ کر پڑھیں گے ایک یا دو الف تک نہیں پڑھیں گے،تو رہنمائی فرما دیں کہ اس کو تین الف تک ہی کھینچ کر پڑھیں گے یاایک،دو یا تین الف میں سے کوئی بھی مقدار رکھ سکتے ہیں؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   تین الف تک ہی ضروری نہیں ہے،بلکہ جومدنی قاعدہ میں تفصیل بیان ہوئی ہے،وہ درست ہے، مزیدتفصیل بیان کرتے ہوئے  مفتی محمد ہاشم خان العطاری دام ظلہ العالی لکھتے ہیں : "مدّعارض و لین عارض میں طول (لمبا کرنا ) توسط (درمیانی حالت میں پڑھنا) قصر(چھوٹاکرنا) تینوں جائز ہیں۔ان دونوں میں فرق یہ ہے کہ مدعارض میں طول افضل ہے اوراس کے بعد توسط اورپھرقصر ہے ، جبکہ مد لین عارض میں قصر افضل ہے،اس کے بعد توسط اور پھر طول ہے۔" (نصاب التجوید، سبق نمبر 16 ، مطبوعہ مکتبۃ المدینہ ، کراچی )

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم