![header logo](https://www.fatwaqa.com/theme/assets/img/logo-b.png)
مجیب: مولانا جمیل احمد غوری عطاری مدنی
فتوی نمبر:Web-1385
تاریخ اجراء: 05جمادی الثانی1445
ھ/19دسمبر2023 ء
دارالافتاء اہلسنت
(دعوت اسلامی)
سوال
کسی شخص نے کوئی
بات کہی ، تو دوسرے نے سنی نہیں، اس نے کہا دوبارہ بتاؤ، تو اس
نے کہا میں اب نہیں بتاؤں گا قسم سے، اس کا ارادہ قسم کا نہیں
تھا بلکہ غلطی سے زبان سے قسم کے الفاظ نکل گئے ، تو کیا حکم ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
کوئی شخص غلطی سے قسم کھا بیٹھا تو
بھی قسم ہوگئی اگرچہ قسم
کی نیت نہ ہو اور وہی حکم ہے جو جان بوجھ کر قسم کھانے کا ہے
یعنی توڑے گا تو کفارہ دینا ہوگا۔
بہارِ شریعت میں ہے:”اگر آئندہ
کے لئے قسم کھائی مثلاً خدا کی قسم میں یہ کام کروں گا
یا نہ کروں گا تو اس کو منعقدہ کہتے
ہیں۔۔۔یمینِ منعقدہ جب توڑے گاکفارہ لازم
آئےگا۔۔۔۔۔غلطی سے قسم کھا بیٹھا
مثلاً کہنا چاہتا تھا کہ پانی لاؤ یاپانی پیوں گا اور
زبان سے نکل گیا کہ خدا کی قسم پانی نہیں پیوں گا
یا یہ قسم کھانا نہ چاہتا تھا دوسرے نے قسم کھانے پر مجبور کیا
تو وہی حکم ہے جو قصداً اور بلا مجبور کیے قسم کھانے کا ہے
یعنی توڑے گا تو کفارہ دینا ہوگا۔“(بہارِ
شریعت،جلد02، صفحہ300-299، مکتبۃ المدینہ، کراچی، ملتقطاً)
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم
کیا قرآن پاک کا سچا حلف اٹھانے سے کوئی نقصان ہوتا ہے؟
واٹس ایپ میسج کے ذریعے قسم کھائی کیا قسم منعقد ہوگئی؟
کیا یہ جملہ منت ہے کہ میں اپنی کمائی مسجد میں دوں گا؟
قسم کھائی کہ ایک ماہ تک گھر نہیں جاؤں گا،اب کیا کرے ؟
عورت نے مسجد میں نوافل پرھنے کی منت مانی،کیا گھر میں پڑھ سکتی ہے؟
کیا منّت کے نوافل ایک ہی وقت میں پڑھنا ضروری ہیں ؟
منت کے سو نوافل ایک ہی دن پڑھنے ہوں گے یا الگ الگ دنوں میں بھی پڑھ سکتے ہیں ؟
نابالغ بچہ قسم توڑ دے ، تو کیا اس پر کفارہ ہوگا ؟