Sajde mein Naak Par Nazar Rakhne ki Tafseel

   کیا سجدے میں نظر ناک پر رکھنا ضروری ہے؟اور اگر نظر ناک پر نہ رکھی تو نماز کا کیا حکم ہے؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   سجدے کی حالت میں نظر ناک پر رکھنا مستحب ہے کہ یہ فعل خشوع کے قریب ہے۔البتہ اگر کوئی شخص سجدے کی حالت میں نظر ناک پر نہ رکھے تو اس سے نماز پر کچھ اثر نہیں پڑے گا۔

   مجمع الانھر میں ہے:"آداب الصلاۃ نظرہ الی موضع سجودہ حال قیامہ و الی ظھر قدمیہ حال رکوعہ و الی ارنبۃ انفہ حال سجودہ ۔۔۔۔ لان المقصود الخضوع" ترجمہ: نماز کے آداب(میں سے) یہ ہے کہ نمازی اپنی نگاہ حالت قیام میں اپنے سجود کی  جگہ  کی طرف اور حالت رکوع میں اپنے دونوں قدموں کی طرف اور حالت سجود میں اپنی ناک کی ہڈی کی طرف رکھے کیونکہ مقصود خشوع و خضوع ہے۔(مجمع الانھر شرح ملتقی الابحر، جلد01، ص90 تا91، مطبوعہ، بیروت)

   بہار شریعت میں نماز کے مستحبات کے تحت ہے:"(1) حالت قیام میں موضع سجدہ کی طرف نظر کرنا(2) رکوع میں پشت قدم کی طرف(3) سجدہ میں ناک کی طرف(4) قعدہ میں گود کی طرف۔"(بہار شریعت، جلد01، حصہ03، ص538، مکتبۃ المدینہ)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم