Sajda Karne Se Wazu Toot Jata Ho Tu Kya Karein ?

سجدہ کرنے سے وضو ٹوٹ جاتا ہو تو کیا کریں؟

مجیب: مولانا محمد سعید عطاری مدنی

فتوی نمبر:WAT-2358

تاریخ اجراء: 26جمادی الثانی1445 ھ/09جنوری2024 ء

دارالافتاء اہلسنت

(دعوت اسلامی)

سوال

ضعیفی کی وجہ سے سجدے میں گیس نکل جانے کی بیماری ہو، تو سجدے کا کیا حکم ہوگا ؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

جوشخص سجده كرنے پر قادرہومگرسجدہ کرنے کی وجہ سے اس کا وضو باقی نہ رہتا ہو،تو اس کے لیے اشارے سے نمازپڑھناجائز ہے،ایسے شخص کے لیے بیٹھ کر اشارے سے نماز پڑھنا مستحب ہے اور کھڑے ہوکربھی اشارے سے نمازپڑھ سکتا ہے۔

بہار شریعت میں ہے:” جو شخص سجدہ کر تو سکتا ہے مگر سجدہ کرنے سے زخم بہتا ہے، جب بھی اسے بیٹھ کر اشارے سے پڑھنا مستحب ہے اورکھڑے ہو کر اشارے سے پڑھنا بھی جائز ہے۔“(بہار شریعت،ج01،ص510،مکتبۃ المدینۃ، کراچی)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم