مجیب: مولانا محمد شفیق عطاری
مدنی
فتوی نمبر: WAT-547
تاریخ اجراء: 12رجب المرجب 1443ھ/14فروری2022ء
دارالافتاء اہلسنت
(دعوت اسلامی)
سوال
قعدہ اولی پر بھول کر دونوں طرف سلام پھیر دیا،
پھر یاد آنے پر کھڑے ہو گئے اور بقیہ رکعت مکمل کرنے کے بعد آخر میں
سجدہ سہو کیا تو نماز ہوئی یا نہیں؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
پوچھی گئی صورت میں اگر پہلے سلام کے بعد کوئی
منافیِ نماز کام (مثلاکسی سے بات چیت کرنا،مسجدسے باہر ہوجانا
،قصداو ضو توڑنا ، کھانا،پیناوغیرہ)نہیں کیا تھا اور یاد
آتے ہی کھڑے ہو کر نماز پوری کر کے سجدہ سہو کیا تھا ، تو اس
صورت میں نماز درست ہو گئی اور اگر پہلے سلام کے بعد بقیہ رکعتیں
یاد آنے سے پہلے کوئی منافیِ نماز کام کر لیا تھا ، تو اس
صورت میں نماز ٹوٹ گئی ، دوبارہ پڑھنی ہو گی ۔
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم
مسجد میں اسکول کی کلاس لگانا کیسا؟
ناپاکی کی حالت میں نماز ادا کرنے کا حکم؟
مسجدکی محراب میں اذان دیناکیساہے
ہوائی جہازمیں نماز کا کیا حکم ہے
مریض کے لیے لیٹ کرنماز پڑھنے کا طریقہ؟
نماز میں الٹا قرآن پڑھنے کا حکم
امام کے پیچھے تشہد مکمل کریں یا امام کی پیروی کریں؟
کیا بچے کے کان میں اذان بیٹھ کر دے سکتے ہیں؟