Masbooq Ki 2 Rakatain Rehti Hoon Tu Kya Wo In Mein Qirat Kare Ga ?

مسبوق کی دو رکعتیں رہتی ہوں تو کیا وہ ان میں قراءت کرے گا؟

مجیب: مولانا محمد ماجد رضا عطاری مدنی

فتوی نمبر:Web-1147

تاریخ اجراء: 16ربیع الثانی1445 ھ/01نومبر2023   ء

دارالافتاء اہلسنت

(دعوت اسلامی)

سوال

   اگر مقتدی جماعت میں آخری دو رکعت میں شامل ہوا  تو جب مقتدی اپنی دو رکعت بعد میں پڑھےگا تو اس کو سورہ فاتحہ کے بعد سورت پڑھنی ہو گی ؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   مسبوق جب اپنی بقیہ دو رکعتیں پڑھے گا تو اس میں سورہ فاتحہ کے بعد سورت بھی ملائے گا کیونکہ یہ دو رکعتیں قراءت کے حق میں پہلی اور دوسری رکعت قرار پائیں گی اور فرائض کی پہلی اور دوسری رکعت میں سورہ فاتحہ کے بعد سورت ملانا واجب ہے ۔

   بہارِ شریعت میں ہے:”مسبوق نے جب امام کے فارغ ہونے کے بعد اپنی شروع کی، تو حقِ قراءت میں یہ رکعت اول قرار دی جائے گی ۔۔۔ دو ملی ہیں دو جاتی رہیں ، تو ان دونوں میں قراءت کرے ۔“(بہارِ شریعت،ملتقطاً، جلد1، صفحہ 590، مکتبۃ المدینہ، کراچی)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم