فتوی نمبر:WAT-825
تاریخ اجراء:19شوال المکرم 1443ھ21/مئی 2022ء
دارالافتاء اہلسنت
(دعوت اسلامی)
سوال
سونے کی انگوٹھی
و چین مرد کو پہننا حرام ہے ، تو سنار کا یہ چیزیں مرد کے
لیے بنانا اور بیچنا ، جائز ہے یا نہیں ؟
بِسْمِ اللہِ
الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
مردانہ
بناوٹ کی چَین یا غیرشرعی انگوٹھی مثلاً چاندی
کی مردانہ انگوٹھی ، جو ساڑھے چار ماشے کے برابر یا اس سے زیادہ
وزن کی ہو یا اس میں دو نگ لگے ہوں یا مَردانہ بناوٹ کی
سونے کی انگوٹھی وغیرہ بنانا اور اس کی خرید و
فروخت کرنا ، ناجائز و گناہ ہے ، کیونکہ شریعتِ مطہرہ کا ایک بنیادی
اصول ہے کہ جن چیزوں کا استعمال جائزنہیں ، تو گناہ پر مُعاوَنت (مدد)
کی وجہ سے ان چیزوں کو بنانا اور خریدنا بیچنا بھی
جائزنہیں ہے ۔ لہٰذا مَرد کے لیے جو انگوٹھی پہننا
حرام ہے ، ایسی انگوٹھی بنانا اور اس کی خرید و
فروخت بھی جائز نہیں کہ اس میں گناہ پر معاونت ہے اور گناہ پر
معاونت بھی گناہ ہے۔ ہاں! اگر اس میں کسی طرح ممانعت کی
وجہ ختم کر دی جائے ، مثلاً اسے ڈھال کر ایسی چیز بنا لی
جائے ، جس کا استعمال جائز ہو ، تو پھر اس کی خرید و فروخت جائز ہو گی
۔
وَاللہُ
اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم
کتبہ
المتخصص فی الفقہ الاسلامی
ابو حذیفہ محمد شفیق عطاری
عورت ایامِ مخصوصہ میں دعا کے طور پر وظائف اور قرآنی آیات پڑھ سکتی ہے؟
غیرقانونی گیس سے تیارکردہ کھانے کاحکم
انشورنس کی قیمت کم کروانے کے لیے ڈاکومنٹس میں جھوٹ لکھنا
مٹھائی وغیرہ میں حرام اجزاء شامل ہونے کی صرف افواہ ہوتوان کاحکم
خرگوش کھانے کاحکم
اعتکاف میں بیٹھی عورت کی کسی پریااس پرکسی کی نظرپڑنے کاحکم
ہندوکو”جے رام جی کی“بولنے کاحکم
مکروہ تنزیہی کی تعریف