Jism Se Nikalne Wala Khoon Choos Lena Kaisa

فتوی نمبر:WAT-853

دارالافتاء اہلسنت

(دعوت اسلامی)

سوال

   اگرکٹ لگنے یا کسی اور وجہ سے خون بہا، تو اس کو پی لینا ناجائز و حرام ہے، اس لیے کہ  بہنے کی مقدار جو خون نکلتا ہے، وہ ناپاک  ہے اور اسے پینا حرام ہے۔نیزاس میں انسانی جزء سے بلاوجہ شرعی انتفاع بھی ہے اوریہ بھی ناجائز ہے اوراگربہنے کی مقدارنہ ہوتووہ اگرچہ ناپاک نہیں لیکن پینااس کابھی جائزنہیں ہے ۔ردالمحتارمیں ہے "(قوله وهي نجسة نجاسة مغلظة) لأن الله تعالى سماها رجسا فكانت كالبول والدم المسفوح أتقاني" ترجمہ: شراب نجاست مغلظہ ہے کیونکہ اللہ تعالی نے اسے ناپاک فرمایاہے پس یہ پیشاب اوربہتے خون کی طرح ہے ۔ )ردالمحتارمع الدرالمختار،کتاب الاشربۃ،ج06،ص449،دارالفکر،بیروت(

   بنایہ شرح ہدایہ میں ہے "فإن كل واحد من الميتة والدم المسفوح ولحم الخنزير رجس أي نجس" ترجمہ:مردار،بہتے خون اورخنزیرکے گوشت میں سے ہرایک ناپاک ہے ۔(البنایۃ شرح الہدایۃ،کتاب الطہارات ،ج 01، ص418،دارالکتب العلمیۃ، بیروت)

   البحرالرائق میں ہے "إذا طحن سن الآدمي مع الحنطة أو عظمه لا يباح تناول الخبز المتخذ من دقيقهما لا لكونه نجسا بل تعظيما له كي لا يصير متناولا من أجزاء الآدمي"ترجمہ:جب انسان کادانت یاہڈی، گندم کے ساتھ پیس دی جائے توان کے آٹے سے بننے والی روٹی کاکھاناجائزنہیں ہوگا،اس وجہ سے نہیں کہ یہ ناپاک ہے بلکہ انسان کی تعظیم کی خاطرتاکہ وہ انسان کے اجزاء کوکھانے والانہ بن جائے ۔(البحرالرائق،کتاب الطہارۃ، ج01، ص113،دارالکتاب الاسلامی،بیروت)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

کتبہ

المتخصص  فی الفقہ الاسلامی

محمد عرفان مدنی عطاری