فتوی نمبر:WAT-3030
تاریخ اجراء: 27صفر المظفر1446 ھ/02ستمبر2024 ء
دارالافتاء اہلسنت
(دعوت اسلامی)
سوال
کیا عورت کے کفن پر پھول ڈال سکتے ہیں؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
مرد و عورت،دونوں کے کفن پر پھول ڈالنا جائز ہے،بلکہ اگر اچھی نیت ہو کہ ان کی تسبیح سے میت کو فائدہ ہوگا،تو ثواب بھی ملے گااور اگر زینت کی نیت ہو،تو یہ مکرو ہ و ممنوع عمل ہے۔
چنانچہ امام اہلسنت الشاہ امام احمد رضا خان رحمۃ اللہ تعالی علیہ فرماتے ہیں:”پھولوں کی چادر بالائے کفن ڈالنے میں شرعاً اصلاً حرج نہیں، بلکہ نیتِ حسن سے حسن ہے ،جیسے قبور پر پھول ڈالنا کہ وہ جب تک تر ہیں تسبیح کرتے ہیں اس سے میّت کا دل بہلتا ہے اور رحمت اترتی ہے۔“(فتاوی رضویہ، ج 9، ص 135،136، رضا فاؤنڈیشن، لاھور)
مزید ایک مقام پر فرماتے ہیں:” پھولوں کی چادر بہ نیتِ زینت مکروہ اور اگر اس قصد سے ہو کہ وہ بحکم احادیث خفیف الحل وطیب الرائحہ ومسبحِ خداومونسِ میّت ہے، تو حرج نہیں۔“(فتاوی رضویہ،ج 9،ص 137،رضا فاؤنڈیشن،لاہور)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
تیجے کے چنوں کا مالدار کو کھانا کیسا؟
میت کے غیر ضروری بال کاٹنے کا حکم؟
غائبانہ نماز جنازہ پڑھنے کا حکم؟
کیا قبر میں شجرہ رکھ سکتے ہیں یا نہیں؟
میت کو دفن کرنے کے بعد قبر پر کتنی دیرتک ٹھہرنا چاہیے؟
قبر بیٹھنے کی صورت میں قبر کے اوپر کی تعمیر نو کرسکتے ہیں؟
نماز جنازہ کی تکرار کرناکیسا ہے؟
غسل میت سے پہلے میت کے پاس تلاوت کرنا کیسا؟