Shohar Ke Marne Par Biwi Ka Chooriyan Torne Ya Utarne Ki Shari Haisiyat

   شوہر کے مرنے کےبعد اس کی بیوی کےہاتھ سے چوڑیاں توڑ دی جاتی ہیں یا کوئی دوسری عورت اس کےہاتھ سے چوڑیاں اتار دیتی ہے۔اس کی شرعی حیثیت کیا ہے؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   شوہر کےفوت ہونےکےبعد اس کی بیوی پر چار ماہ دس دن تک عدت گزارنا واجب ہوتاہے،عورت کےلیے عدت  کےایام میں زینت کرنا،حرام ہے۔اس لیے عورت کے لیے حکم یہ ہے کہ شوہر کےفوت ہونے کے وقت اگر اس کےہاتھ میں چوڑیا ں وغیرہ ہیں تو انہیں اتار دےکیونکہ چوڑیا ں  بطور زینت ہی پہنی جاتی ہیں ۔لیکن شوہر کےفوت ہونے کےبعد چوڑیا ں توڑکر اتار نا ،گناہ ہےکہ کیونکہ یہ اسراف  یعنی بے جا مال کو ضائع کرنا ہےنیز بیوہ عورت کےہاتھ میں پہنی چوڑیا ں توڑنا ،غیر مسلموں کا طریقہ ہے،اور یہ بھی ضروری نہیں ہےکہ شوہر کےفوت ہونےکےبعد کوئی دوسری عورت ہی اس کےہاتھ سے چوڑیا ں اتارے ،عورت خود بھی اتار سکتی ہے ۔اوراس بات کو ضروری سمجھنا، جائزنہیں ہے کہ بیوہ عورت کےہاتھ سے دوسری عورت چوڑیاں اتارے گی ۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم