فتوی نمبر:WAT-3052
تاریخ اجراء: 05ربیع الاول1446 ھ/10ستمبر2024 ء
دارالافتاء اہلسنت
(دعوت اسلامی)
سوال
ایک شخص کے دو گھر ہیں، ایک میں وہ خود رہتا ہو اور دوسرے میں عورت اپنے بچوں کے ساتھ رہتی ہو تو مرد کے فوت ہونے کے بعد عورت کس گھر میں عدت گزارے گی؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
پوچھی گئی صورت میں عورت اس گھر میں عدت مکمل کرے گی ،جس میں اس کے شوہر نے اس کو رکھا ہوا تھا ،نہ کہ اس گھر میں جہاں اس کا شوہر رہتا تھا۔
چنانچہ صدر الشریعہ مفتی محمد امجد علی اعظمی رحمۃ اللہ علیہ سے سوال ہوا کہ عورت اپنے شوہرکو علاج کے لئے اپنے باپ کے گھر لائی ،پھر وہیں شوہر کا انتقال ہوگیا ،تو ایسی صورت میں عورت اپنے باپ کے گھر عدت پوری کرے گی یا اپنے شوہر کے گھر(ملخصاً)؟
اس کے جواب میں آپ علیہ الرحمۃ نے فرمایا:" عدت اس مکان میں واجب ہے جو بوقت وفات اس کی جائے سکونت ہے ،لہذا اگر وہاں جانا محض عارضی ہو تو شوہر کے مکان پر واپس آکر عدت گزارے اور اگر کچھ دنوں کے لئے وہیں سکونت کرلی ہےتو وہیں عدت گزارے ۔"(فتاوی امجدیہ ،ج 1،حصہ 2،ص 291 ،مکتبہ رضویہ ،کراچی)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
جس کو ماہواری نہ آتی ہو اس کی عدت کیا ہوگی؟
جب طلاق کاخط ملا تب عدت شروع ہوگی یا جب طلاق دی تب سے؟
حاملہ کی عدت کب تک ہوگی ؟
بیوہ کی عِدّت اورغیر شرعی وصیت پر عمل کرنا کیسا؟
طلاق یافتہ ،اوربیوہ عورت کی عدت کتنی ہے؟
کیا حاملہ عورت کی عدت کا نفقہ بھی شوہر پر لازم ہے؟
عدتِ وفات کی مدت اور اس میں پردے کا حکم
وفات کی عدت کے احکام