Logon Ke WhatsApp Status Dekhne Ka Hukum

لوگوں کے واٹس ایپ اسٹیٹس دیکھنے کا حکم

مجیب: ابو الحسن جمیل احمد غوری العطاری

فتوی نمبر: Web-439

تاریخ اجراء:       28ذوالحجۃالحرام1443 ھ/28جولائی2022   ء

دارالافتاء اہلسنت

(دعوت اسلامی)

سوال

   میرا سوال یہ ہے کہ لوگوں کے واٹس ایپ اسٹیٹس دیکھنا کیسا؟ بعض لوگ گانے اور کچھ لوگ اسلامک اسٹیٹس لگاتے ہیں ،بعض لوگوں نے پہلے اسلامک اسٹیٹس لگائے ہوتے ہیں ،پھر میوزک والے اسٹیٹس لگائے ہوتے ہیں ، جس سے پتہ نہیں چلتا اور اچانک میوزک پلے ہوجاتا ہے۔

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   گانوں، میوزک  اور بے حیائی پر مشتمل واٹس اپ  اسٹیٹس قصداً   دیکھنا ناجائز و گناہ ہے، اسلامی پوسٹ یا کسی دینی ودنیوی معلومات پر مشتمل اسٹیٹس لگانا یا اس طرح کا  کسی کا اسٹیٹس  دیکھنا جائز ہے۔ نیز جس شخص کے متعلق معلوم ہو کہ اس کے اسٹیٹس پر اسلامی اور غیر اسلامی (یعنی میوزک، گانے وغیرہ) دونوں طرح کی چیزیں ہوتی ہیں اس شخص کے اسٹیٹس کو دیکھنے سے بچنا چاہئے  تاکہ اچانک کوئی گانا وغیرہ سامنے نہ آجائے۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم