Hazrat Adam علیہ السلام Ki Takhleeq Jis Mitti Se Hui Us Par Gham Aur Khushi Ki Barish

حضرت آدم علیہ السلام کی تخلیق جس مٹی سے ہوئی اس پرکتنے دن غم و خوشی کی بارش ہوئی ؟

مجیب: مولانا محمد کفیل رضا عطاری مدنی

فتوی نمبر:Web-943

تاریخ اجراء:13ذیقعدۃالحرام1444 ھ/03جون2023   ء

دارالافتاء اہلسنت

(دعوت اسلامی)

سوال

   حضرت آدم علیہ السلام کی تخلیق جس مٹی سے ہوئی اس پر 39دن غم کی بارش ہوئی اور 01 دن خوشی کی۔ کیا ایسی کوئی روایت ہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   تفسیر نعیمی میں تفسیر عزیزی وغیرہ کے حوالے سے حضرت آدم علیہ السلام کی تخلیق کا جو واقعہ منقول ہے اس میں مفتی احمد یار خان نعیمی رحمہ اللہ نے اس بات کو نقل فرمایا ہے  چنانچہ فرماتے ہیں:’’ (فرشتوں سے حضرت آدم علیہ السلام کی پیدائش کے لیے خاک جمع کروانے کے بعد) فرشتوں کو حکم ہوا کہ اس خاک کا مختلف پانیوں سے گارا بنائیں۔ چنانچہ اس پر چالیس روز بارش ہوئی ۔ انتالیس دن تو رنج و غم کا پانی برسا، اور ایک دن خوشی کا۔ اسی لیے انسان کو رنج و غم زیادہ رہتے ہیں اور خوشی کم ہوتی ہے ۔‘‘(تفسیر نعیمی، جلد01، سورہ بقرہ، صفحہ225، 226، نعیمی کتب خانہ گجرات)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم