مجیب:مولانا جمیل احمد غوری عطاری مدنی
فتوی نمبر:Web-1703
تاریخ اجراء:29محرم الحرام1446 ھ/05اگست2024 ء
دارالافتاء اہلسنت
(دعوت اسلامی)
سوال
اگرکسی فوت شدہ شخص کی پرانی تصویر موجود ہو اور اس کو ڈویلپ کروا کر اپنے پاس رکھا جائے، تو اس کا کیا حکم ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
اگرچہ اس شخص کا انتقال ہو چکا ہو، مگر وہ تصویر اس کی زندگی کی حکایت کرے گی یعنی اس تصویر سے وہ کسی مردے کی تصویر نہیں لگے گی کیونکہ وہ زندگی میں بنائی گئی نارمل حالت کی تصویر ہے اور بلا ضرورت ایسی تصویرکا پرنٹ نہ زندگی میں نکالنا جائز ہے اور نہ ہی انتقال کے بعد۔
امامِ اہلسنت شاہ امام احمد رضا خان رحمۃ اللہ علیہ فرماتے ہیں:” اگر اس کی حکایت محکی عنہ میں حیات کا پتہ دے یعنی ناظر یہ سمجھے کہ گویا ذوالتصویر زندہ کو دیکھ رہا ہے، تو وہ تصویر ذی روح کی ہے اور اگر حکایتِ حیات نہ کرے ناظر اس کے ملاحظہ سے جانے کہ یہ حی کی صورت نہیں میت و بے روح کی ہے ،تو وہ تصویر غیر ذی روح کی ہے۔“(فتاوی رضویہ،جلد 24،صفحہ 587،رضا فاؤنڈیشن،لاہور)
مزید ایک اور مقام پر فرماتے ہیں:”شک نہیں کہ عکسی تصویریں اگرچہ نیم قد یا سینہ تک بلکہ صرف چہرہ کی ہوں ہرگز نہ مثلِ شجر ہوتی ہیں ، نہ مردہ ذوالصورۃ کی حکایت کرتی ہیں، بلکہ یقیناً جیتے جاگتے کی صورت دکھاتی ہیں اور ناظرین کا ذہن ان سے حالتِ حیات ذوالصورۃ ہی کی طرف جاتا ہے ، کوئی نہیں سمجھتا کہ یہ مردہ کی صورت ہے اور مدارِ حکم اسی فہم پر تھا ، نہ حیات و موتِ حقیقی پر جس سے تصویر کو بہرہ نہیں۔ “(فتاوی رضویہ، جلد 24، صفحہ 588، رضا فاؤنڈیشن، لاھور)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
کنڈا لگا کر بجلی استعمال کرنے کاحکم
غیر محرم لے پالک سے پردے کا حکم
جوان استاد کا بالغات کو پڑھانےکا حکم؟
شوہر کے انتقال کے بعد سسر سے پردہ لازم ہے یانہیں؟
کیا دلہن کو پاؤں میں انگوٹھی پہنانا جائز ہے؟
مرد کا جوٹھا پانی پینے کا حکم
محرم کے مہینے میں شادی کرنا کیسا؟
موبائل ریپئرنگ کے کام کی وجہ سے ناخن بڑھانا کیسا؟