Eyebrows Ke Kuch Balon Par Skin Color Ka Bleach Karna

Eyebrows کے کچھ بالوں پر اسکن کلر بلیچ کر نا

مجیب: مولانا محمد سعید عطاری مدنی

فتوی نمبر: WAT-2634

تاریخ اجراء: 28رمضان المبارک1445 ھ/08اپریل2024  ء

دارالافتاء اہلسنت

(دعوت اسلامی)

سوال

   eyebrows کو شیپ دینے کےلیے اس کے اوپر نیچے تھوڑے بالوں پر اسکن کلر بلیچ  کر سکتے ہیں ؟ اس سے eyebrows کی  تھوڑی شیپ بن جاتی ہے،  بالکل باریک نہیں کرتے بلکہ جو بال برے لگتے ہیں بس وہ  دور سے نظر نہیں آتے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   سوال میں بیان کردہ زینت اختیار کرنا خواتین کےلیے جائز ہے۔ بشرطیکہ بلیک یا اس سے ملتا جلتا کلر نہ کریں ،یونہی ابرو کے بال اکھاڑ کر باریک نہ کریں ۔

   "زینت کے شرعی احکام" میں سوال  ہے:”ہم دلہن کے چہرے پر  میک اپ کرتے ہوئے آئی بروز  پر تھوڑا بہت کلر ، کاجل، سرمہ، پنسل اور شیڈز وغیرہ لگاتی ہیں۔۔۔۔اسی طرح  ابرو کے زائد کالے بالوں کو بلیچ اور کلر کر کے ڈائی لگا کر جلد کا ہم رنگ کردیا جاتا ہے، تو کیا بھنوؤں کی اس طرح کی زینت کرنا جائز ہے؟

   اس کے جواب میں درج ہے:”آپ کےلیے آئی بروز یعنی ابرو کی مذکورہ زینت کرنا بھی جائز ہے، بشرطیکہ ابرو کے بال اکھاڑ کر باریک نہ کریں، ناپاک اشیاء پر مشتمل کریم یا پاؤڈر نہ لگائیں اور سفید بالوں کو سیاہ یا مائل بہ سیاہ(یعنی سیاہ سے ملتاجلتا) خضاب یا کلر استعمال نہ کریں۔ “ (زینت کے شرعی احکام ،ص52، مکتبۃ المدینہ ،کراچی)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم