Nabi Pak Ki Aulad Pak Kin Se Paida Hui ?

نبی پاک صلی الله علیه وسلم کی اولاد پاک کن سے پیدا ہوئی ؟

مجیب: مولانا محمد بلال عطاری مدنی

فتوی نمبر:WAT-2223

تاریخ اجراء: 12جمادی الاول1445 ھ/27نومبر2023   ء

دارالافتاء اہلسنت

(دعوت اسلامی)

سوال

   حضور  پاک  صلی اللہ  علیہ وسلم کی   چھ  اولادوں  میں سے حضرت   سیدہ  بی بی  زہراء   رضی اللہ عنہا، ام المومنین حضرت سیدہ خدیجہ   رضی اللہ  عنھا کے  بطن   اطہر سے  ہیں  سوال یہ ہے کہ  بقیہ  پانچ  مبارک  اولادیں  کس  ام المومنین کے بطن  اطہر سے ہیں؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   حضور صلی اللہ تعالیٰ علیہ واٰلہ وسلم کی تمام اولادسیدہ  خدیجہ رضی اللہ تعالیٰ عنہا کے بطن سے ہوئی۔ سوائے حضرت ابراہیم رضی اللہ تعالیٰ عنہ کے جو سیدہ ماریہ قبطیہ رضی اللہ تعالیٰ عنہا سے پیدا ہوئے۔بیٹوں  میں حضرت قاسم رضی اللہ تعالیٰ عنہ اور حضرت عبداللہ رضی اللہ تعالیٰ عنہ کے اسمائے گرامی مروی ہیں جب کہ بیٹیوں میں سیدہ زینب، سیدہ رقیہ ، سیدہ ام کلثوم اور سیدہ فاطمہ زہراء  رضی اللہ تعالیٰ عنہن ہیں۔

   اسد الغابہ میں ہے" خدیجۃ بنت خویلد۔۔۔۔زوجها رسول الله صلى الله عليه وسلم فولدت لرسول الله صلى الله عليه وسلم ولده كلهم قبل أن ينزل عليه الوحي: زينب، وأم كلثوم، وفاطمة، ورقية، والقاسم، والطاهر والطيب۔۔۔ عبد الله وكان يقال له: الطيب و الطاهر "(اسد الغابۃ،ج 7،ص 80،دار الكتب العلمية)

   سیرت ابن ہشام میں ہے" أولاده صلى الله عليه وسلم من خديجة: قال ابن إسحاق: فولدت لرسول الله صلى الله عليه وسلم ولده كلهم إلا إبراهيم القاسم، وبه كان يكنى صلى الله عليه وسلم، والطاهر ، والطيب، وزينب، ورقية، وأم كلثوم، وفاطمة، عليهم السلام.۔۔۔ قال ابن هشام: وأما إبراهيم فأمه مارية"(سیرت ابن ہشام،ج 1،ص 190،191،مكتبة ومطبعة: مصطفى البابي الحلبي)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم