Larki Ka Naam Hamd Fatima Rakhna

لڑکی کا نام حمد فاطمہ رکھنا

دارالافتاء اہلسنت

(دعوت اسلامی)

سوال

      کیا لڑکی کا نام حمد فاطمہ رکھ سکتے ہیں؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   حمدفاطمہ نام رکھنادرست ہے ۔تفصیل اس میں یہ ہے کہ :

                                                                                                                             فاطمہ،حضور علیہ السلام کی  ایک لاڈلی شہزادی  اور مادر حسنین کریمین رضی اللہ عنھما کا نام ہے۔اورحمد کا مطلب ہے تعریف کرنا، اور حمد، مصدرہے اورمصدربول کر اسم فاعل مرادلیاجاتاہے تواس کامطلب ہوگا:" حضرت   فاطمہ رضی اللہ تعالی عنھا کی تعریف کرنے والی۔"

                                                                                                             اورمصدر کا اطلاق کبھی مبالغے کے لئے بھی ہوتا ہے  تویوں حمد فاطمہ کا مطلب یہ بھی بن سکتاہے:"حضرت   فاطمہ رضی اللہ تعالی عنھا کی بہت تعریف کرنے والی۔" لہذاحمد فاطمہ نام رکھنا جائز ہے، اس میں کوئی حرج نہیں ہے۔ تاہم بہتر صرف" فاطمہ "نام رکھناہےکہ اچھوں کے نام پرنام رکھنے کا حدیث مبارکہ میں حکم فرمایاگیاہےاوراس سے امید ہے کہ ان کی برکت بچی کے شامل حال رہے گی ۔

                                                                                                         الفردوس بماثور الخطاب میں ہے”تسموا بخياركم “ ترجمہ: اچھوں کے نام پر نام رکھو ۔ (الفردوس بماثور الخطاب، جلد2، صفحہ58، حدیث2328، دار الكتب العلمية ، بيروت)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم