Bachi Ka Naam Haya Rakhna Kaisa ?

حیا نام رکھنا کیسا ہے ؟

مجیب: محمد بلال عطاری مدنی

فتوی نمبر:WAT-1780

تاریخ اجراء: 09ذوالحجۃالحرام1444 ھ/28جون2023   ء

دارالافتاء اہلسنت

(دعوت اسلامی)

سوال

   حیا نام کامعنی   بتادیجیے اوریہ بھی بتادیجیے کہ یہ نام رکھنا کیساہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   حیاکامعنی ہےشرم،یہ  نام  رکھنا   شرعاً جائز  ہے ۔

   حیاکا معنی:فیروزاللغات میں ہے:"شرم،حجاب،لحاظ،غیرت۔"(فیروزاللغات،ص619،لاہور)

   البتہ!بہتر ہے کہ ازواجِ مطہرات یا دیگر صحابیات وغیرہ نیک بیبیوں کے ناموں میں سے کوئی نام رکھ لیں کہ حدیث پاک میں نیکوں کے نام پرنام رکھنے کی ترغیب ارشادفرمائی گئی ہے ۔اوراس سے امید ہے کہ اون کی برکت بچہ کے شامل حال ہو۔

      الفردوس بماثور الخطاب میں ہے:  ”تسموا بخياركم واطلبوا حوائجكم عند حسان الوجوه“ ترجمہ: اچھوں کے نام پر نام رکھو اور اپنی حاجتیں اچھے چہرے والوں سے طلب کرو۔(الفردوس بماثور الخطاب، جلد2، صفحہ58، حدیث2328، دار الكتب العلمية ، بيروت)

      بہار شریعت میں ہے: ”بچہ کا اچھا نام رکھا جائے۔ ہندوستان میں بہت لوگوں کے ایسے نام ہیں جن کے کچھ معنی نہیں یا اون کے برے معنی ہیں ایسے ناموں سے احتراز کریں۔ انبیائے کرام علیہم الصلاۃ والسلام کے اسمائے طیبہ اور صحابہ و تابعین و بزرگان دِین کے نام پر نام رکھنا بہتر ہے امید ہے کہ اون کی برکت بچہ کے شامل حال ہو۔“(بہار شریعت ، جلد3، حصہ15،صفحہ356، مکتبۃ المدینہ، کراچی)

   نوٹ: ناموں کے بارے میں تفصیلی معلومات حاصل کرنے کے لیےمکتبۃ المدینہ کی مطبوعہ کتاب ’’نام رکھنے کے احکام‘‘کا مطالعہ کیجئے۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم