Azmat Naam Rakhna Kaisa ?

عظمت نام رکھنا کیسا؟

مجیب: ابو حفص مولانا محمد عرفان عطاری مدنی

فتوی نمبر: WAT-2458

تاریخ اجراء: 02شعبان المعظم1445 ھ/13فروری2024   ء

دارالافتاء اہلسنت

(دعوت اسلامی)

سوال

   عظمت (ظاء ساکن کے ساتھ) نام رکھنا کیسا؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   ظاء کے سکون کے ساتھ عظمت نام رکھنادرست ہے ،اس کامعنی ہے: شان و شوکت،قدر وغیرہ ۔"  اور بہتر یہ ہے کہ اصل نام محمد رکھیں اور پکارنے کے لئے عظمت  رکھ لیں، یوں پورا نام "محمد عظمت "ہو جائے گا اور نامِ محمد کی برکات بھی حاصل ہو جائیں گی۔

   فیروز اللغات میں ہے”عَظْمَت:بزرگی،بڑائی،شان و شوکت،قدر و منزلت۔"(فیروز اللغات،ص 951،فیروز سنز، لاہور)

 محمدنام رکھنے کی فضیلت:

   کنز العمال میں روایت ہے کہ نبی کریم صلی اللہ تعالی علیہ وآلہ وسلم نے فرمایا: ” من ولد له مولود ذكر فسماه محمدا حبا لي وتبركا باسمي كان هو ومولوده في الجنة“ترجمہ:جس کے ہاں بیٹا  پیدا ہو اور وہ میری محبت اور میرے نام سے برکت حاصل کرنے کے لئے اس کا نام محمد رکھے تو وہ اور اس کا بیٹا دونوں جنت میں جائیں گے۔(کنز العمال،ج 16،ص 422، مؤسسة الرسالة،بیروت)

   رد المحتار میں مذکورہ حدیث کے تحت ہے” قال السيوطي: هذا أمثل حديث ورد في هذا الباب وإسناده حسن “ترجمہ: علامہ جلال الدین سیوطی علیہ الرحمۃ نے فرمایا:جتنی بھی احادیث اس باب میں وارد ہوئیں،یہ حدیث ان سب میں بہتر ہے اور اس کی سند حسن ہے۔(رد المحتار علی الدر المختار،کتاب الحظر والاباحۃ،ج 6،ص 417،دار الفکر، بیروت)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم