Aurat Namaz Mein Hath Badhate Hue Poora Hath Dusre Hath Par Rakhe Tu Hukum ?

   عورت اگر سینے پر اس طرح ہاتھ باندھے کہ ایک ہاتھ کی ہتھیلی دوسرے ہاتھ کی پشت پر نہ ہو بلکہ  سیدھا ہاتھا پورا انگلیوں سمیت دوسرے پورے ہاتھ رکھے، تو کیا اس طرح نماز ہوجائے گی؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   پوچھی گئی صورت میں نماز تو ہوجائے گی لیکن بہتر طریقہ یہ ہے کہ نیچے بایاں ہاتھ ہو اور اس کی پشت پر دائیں ہاتھ کی ہتھیلی ہو اور دونوں ہتھیلیوں اوردونوں کلائیوں کاکچھ حصہ پستانوں پر کہ اسی میں اس کے لیے زیادہ سترہے۔

   سیدی اعلی حضرت امام اہلسنت امام احمد رضا خان رحمۃ اللہ علیہ فرماتے ہیں:”تضع يديها بين ثدييها بحيث يكون شئ من الكفّين وبعض الساعدين على الثديين وهو المقصود،وكان الحكمة فی ذلك –واللہ تعالى أعلم- أن لا يرى لثدييها حجم فی الصّلاة“ یعنی عورت اپنے دونوں ہاتھ اپنے پستانوں کے درمیان یوں رکھے کہ دونوں ہتھیلیوں اوردونوں کلائیوں کابعض حصہ پستانوں پر ہو اور یہاں یہی مقصود  ہے،اس میں حکمت یہ ہے کہ نماز میں عورت کے پستانوں کے ابھارمیں سے کچھ بھی دکھائی نہ دے اور اللہ تعالیٰ زیادہ جاننے والا ہے۔(جدالممتارعلی ردالمحتار،جلد3،صفحہ187-188،مکتبۃ المدینہ،کراچی)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم