"Akhri Zamana Mein Deen Ka Kaam Darham o Dinar Ke Baghair Na Hoga" Hadees

   کیا حضور  صلی اللہ علیہ وسلم نے فرمایا ہے کہ ایک دور آئے  گا کہ دین کا کام درہم ودینارکے بغیر نہ ہوگا؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   جی ہاں! اس مفہوم کی احادیث ہیں، جن میں دین پر قائم رہنے کےلئے درہم ودینار کے ضروری ہونے کا تذکرہ ہے۔

   چنانچہ معجم کبیر للطبرانی میں ہے:”عن حبيب بن عبيد، قال:رأيت المقدام بن معدي كرب جالسا في السوق، وجارية له تبيع لبنا وهو جالس يأخذ الدراهم، فقيل له في ذلك،فقال:سمعت رسول الله صلى الله عليه وسلم يقول:«إذا كان في آخر الزمان لا بد للناس فيها من الدراهم والدنانير يقيم الرجل بها دينه ودنياه»“ ترجمہ: حضرت حبیب بن عبید سے روایت ہے،وہ فرماتے ہیں  کہ میں نے مقدام بن معدیکرب کو بازار میں  بیٹھا ہوا دیکھا اور آپ کی باندی آپ کے پاس دودھ بیچ رہی تھی، آپ بیٹھ کر پیسے وصول فرما رہے تھے۔ تو آپ سے اس بارے میں کچھ کہا گیا تو ارشاد فرمایا : میں نے رسول اللہ صلی اللہ تعالی علیہ وآلہ وسلم کو فرماتے ہوئے سنا ہے: جب آخری زمانہ آئےگا تو لوگوں کو درہم ودینار کی ضرورت پڑےگی جس کے ذریعے بندہ اپنے دین ودنیا کو درست کرسکے گا۔(معجم کبیر للطبرانی،رقم الحدیث 660، جلد20، صفحہ279،  مطبوعہ قاهرہ)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم